Dinamalar

பிளாஷ்பேக்: மறைக்கப்பட்ட இசை கலைஞர்

தமிழ் சினிமாவில் இசை அமைப்பாளர்களைத்தான் வெளி உலகத்திற்கு தெரியும், அவர்களுக்கு பின்னால் இருப்பவர்கள், பாடல்களுக்கு பின்னால் இருப்பவர்களைப் பற்றி அதிகம் தெரியாது. ஒவ்வொரு பாடலும் உருவாவது ஆர்மோனிய பெட்டி, அல்லது கீ போர்ட்டில் இருந்துதான். அப்படிப்பட்ட கீ போர்ட் வாசிப்பில் திறமையானவராக இருந்தவர்தான் விஜி மேனுவல்.

இசை குடும்பத்தில் இருந்து சினிமாவிற்கு வந்த இவர் இளையராஜாவின் முதன்மை கீபோர்டு வாசிப்பாளராகவும், அவரது நீண்டகால நெருங்கிய உதவியாளராகவும் பல தசாப்தங்களாகப் பணியாற்றினார். இளையராஜாவின் ஆரம்பகாலப் பாடல்களில் விஜி மேனுவல் பேஸ் கிட்டார் கலைஞராகப் பணியாற்றினார். பின்னர், கீபோர்டு மற்றும் பியானோ வாசிப்பதில் தனது அசாத்திய திறமையை வெளிப்படுத்தினார்.

இளையராஜாவின் இசையில் உருவான பல நூறு ஹிட் பாடல்களின் பின்னணியில் இருக்கும் அட்டகாசமான கீபோர்டு மற்றும் எலெக்ட்ரிக் பியானோ சோலோக்கள் இவரால் வாசிக்கப்பட்டவை. இளையராஜாவின் பல நேரடி இசை நிகழ்ச்சிகளிலும் இவர் முக்கியக் கலைஞராக மேடையேறியுள்ளார்.

தனியாக இசை அமைக்க வேண்டும் என்ற ஆசையில் 'இரவு சூரியன்', மற்றும் 'இதயவாசல்' படங்களில் இசை அமைப்பாளராக பணியாற்றினார். இவர் இளையராஜாவிடமிருந்து பிரிந்து சென்றதால் இவருக்கு வாய்ப்பளித்தால் இளையராஜாவின் அபிமானத்தை இழக்க வேண்டியது வரலாம் என்று பயந்தவர்கள் அவரக்கு வாய்ப்பு தரவில்லை. இதனால் மீண்டும் இளையராஜா குழுவில் இணைந்தார். அதன் பிறகு ஏ.ஆர்.ரஹ்மான் இளையராஜா குழுவில் பணியாற்றிய போது அவருடன் இணைந்தார். அவரை எப்போதும் ரஹ்மான் 'மாமா' என்றுதான் அழைப்பார். ரஹ்மான் தனி இசை அமைப்பாளராக பணியாற்றியபோது அவரை அழைத்தார். ஆனால் இளையராஜாவை விட்டு வர மறுத்து விட்டார்.

சுமார் 850 பாடல்களுக்கு மறைந்திருந்து உயிர்கொடுத்து விஜி மானுவேல் தனது 64வது வயதில் காலமானார்.

• 
  9 ஆண்டுகளுக்கு பிறகு திருத்தப்பட்ட தணிக்கை குழு: 18 புதிய உறுப்பினர்கள் ...
• 
  'கிங்' படம் கிறிஸ்துமஸ்க்கு வெளியாவது உறுதி: ஷாருக்கான் ...
• 
  'துரந்தர்' படத்தின் வசூல் சாதனையை முறியடித்த 'ஹனுமான் அன்ஷ்'
• 
  சல்மான்கானின் 'மாத்ருபூமி' விரைவில் திரைக்கு வருகிறதா?
• 
  சோஹா அலிகானிடமிருந்து எனக்கு எந்த அழுத்தமும் வரவில்லை - குணால் கெமு

• 
  அல்லு அர்ஜூனின் 'ராக்கா': விரைவில் பெரிய அறிவிப்பு வரும் என படக்குழு ...
• 
  முதல்முறையாக போலீஸ் கதாபாத்திரத்தில் நடிக்கும் ருக்மணி வசந்த்
• 
  ரசிகர்கள் எதிர்பார்த்த 'மொத ராத்தரி' முதல் 'இருமுடி' வரை: இந்த வாரம் ...
• 
  இந்தியாவின் எம்.ஜி.ஆர். ஆக வேண்டும் ; எஸ்.ஜே. சூர்யாவின் லட்சியம்
• 
  இளையராஜா - அனிருத் இணையும் இசை நிகழ்ச்சி.. தயாரிப்பாளர் சங்க நலனுக்காக ...