இந்திய சர்வதேச திரைப்பட விழாவில் பாரதிராஜா, பாக்யராஜிற்கு அஞ்சலி | ராதிகா ஆப்தே சர்ச்சை குறித்து மவுனம் கலைத்த கீர்த்தி சுரேஷ்! | பேசும் மற்றும் கேட்கும் திறனை மீட்டுத் தந்த மம்முட்டி : நெகிழ வைத்த குழந்தைகள் சந்திப்பு | பரத் பாலா - ஏ.ஆர். ரஹ்மான் படம் இந்திய சர்வதேசத் திரைப்பட விழாவிற்குத் தேர்வு | துல்கர் சல்மானின் பிராங்க்கில் மாட்டிக்கொண்ட விஜய் தேவரகொண்டா | நவாசுதீன் சித்திக்குடன் வேலை செய்வது நரகம் போன்றது : நடிகை தியா மிர்சா காட்டம் | தாய்மைப் பொறுப்புகள் குறித்த புகைப்படங்களை பகிர்ந்த பிரியங்கா சோப்ரா! | அறம் பட பாணியில் உருவாகும் வெப்சீரிஸில் நடிக்கும் தபு | தனுஷின் 'ஓம்' படத்தில் தனது கதாபாத்திரம் குறித்து தகவல் வெளியிட்ட ஸ்ரீலீலா! | மகள் ஐஸ்வர்யா பற்றி அவதூறு : கமிஷனர் அலுவலகத்தில் நடிகர் அர்ஜூன் புகார் |

தமிழ் சினிமாவில் அதிக சம்பளம் வாங்கும் நடிகை, முதலிடத்தில் இருக்கும் நடிகை எனப் பெயரெடுத்தவராக மலையாளத்திலிருந்து தமிழுக்கு வந்த நடிகையாக நயன்தாரா இருக்கிறார்.
அவர் நடித்து கடந்த வாரம் வெளிவந்த 'மூக்குத்தி அம்மன் 2' படம் எதிர்பார்த்த வரவேற்பையும், வசூலையும் பெறவில்லை. சுமார் 100 கோடி செலவில் தயாராகியுள்ளதாக சொல்லப்படும் இப்படத்திற்கு மற்ற மொழிகளில் சுத்தமாக வரவேற்பு இல்லை. தமிழில் மட்டும் சுமார் 15 கோடிக்கும் அதிகமான வசூலைப் பெற்றுள்ளதாகச் சொல்கிறார்கள்.
தமிழில் நயன்தாரா நடித்து இந்த வருடம் இதற்கு முன்பு வெளிவந்த 'ஹாய்' படமும் வெற்றி பெறவில்லை. கடந்த வருடத்தில் அவர் நடித்த ஒரே படமான 'டெஸ்ட்' படம் ஓடிடி தளத்தில் நேரடியாக வெளியானது. அப்படமும் பெரிதாக பேசப்படவில்லை.
2024ல் நயன்தாரா நடித்து ஒரு படமும் வெளியாகவில்லை. 2023ல் 'அன்னபூரணி, இறைவன்', 2022ல் வெளிவந்த 'கனெக்ட், ஓ 2,' ஆகிய படங்களும் வரவேற்பைப் பெறவில்லை. அதே ஆண்டில் வெளிவந்த 'காத்து வாக்குல ரெண்டு காதல்', சுமாரான வெற்றியைப் பெற்றது.
அதற்கு முன்பாக '2021ல் 'அண்ணாத்த, நெற்றிக் கண்', ஆகிய படங்களும், 2020ல் வெளியான 'தர்பார்' படமும் வரவேற்பைப் பெறவில்லை. 2020ல் ஓடிடியில் நேரடியான வெளியான 'மூக்குத்தி அம்மன்' ரசிகர்களின் வரவேற்பைப் பெற்றது.
தியேட்டர்களில் வெளிவந்த படங்களில் சிறப்பான வெற்றி என்றால் 2019ல் விஜய் நடித்து வெளியான 'பிகில்' படம்தான் தமிழில் நயன்தாராவுக்கு கடைசியாக பெரிய வெற்றியைக் கொடுத்த படம்.
அதே சமயம் தெலுங்கில் இந்த ஆண்டில் வெளிவந்த 'மனஷங்கர வரபிரசாத் காரு', ஹிந்தியில் 2023ல் வெளிவந்த 'ஜவான்' ஆகிய படங்கள் பெரிய வசூலைப் பெற்ற படங்களாக அமைந்தன. ஆனால் இந்தாண்டு கன்னடத்தில் உருவாகி பான் இந்தியா படமாக வெளியான ‛டாக்சிக்' படுதோல்வியை தோல்வியது.




