Dinamalar

ராமாயணா : இரண்டு அறிவிப்புகள் வெளியீடு

காலத்தால் அழியாத இதிகாசமான ராமாயணம் புதிய பார்வையில் மீண்டும் திரைக்கு வரவுள்ளது. நிதிஷ் திவாரி இயக்கத்தில், ரன்பீர் கபூர் மற்றும் சாய் பல்லவி, யஷ் ஆகியோர் முன்னணி கதாபாத்திரங்களில் நடிக்கும் இப்படம் ரூ. 4000 கோடிக்கும் அதிகமான பிரம்மாண்ட பட்ஜெட்டில் உருவாகி வருகிறது. இந்த படத்தின் இரண்டு புதிய அறிவிப்புகள் தற்போது வெளியிடப்பட்டுள்ளன.

முதல் அறிவிப்பு என்னவென்றால், கரண் ஜோஹரின் தர்மா புரொடக்ஷன்ஸ் நிறுவனம் இப்படத்தின் அகில இந்திய திரையரங்கு விநியோக உரிமையைப் பெற்றுள்ளது. இந்த நடவடிக்கை படம் நாடு தழுவிய அளவில் இன்னும் வலுவாக வெளியாவதற்கு உதவும் என்று எதிர்பார்க்கப்படுகிறது.

இரண்டாவது அறிவிப்பு, படக்குழுவினர் இதன் டிரைலரை ஜூலை 18, 2026 அன்று வெளியிடத் தயாராகி வருகின்றனர். இது இதற்கு முன்பு சினிமாகான் நிகழ்வில் திரையிடப்பட்டது, தற்போது உலகெங்கிலும் உள்ள பார்வையாளர்களுக்காக டிஜிட்டல் தளங்களில் வெளியாகவுள்ளது.

ராமாயணா படத்தில் ராவணனாக கேஜிஎப் நாயகன் யஷ் நடிக்கிறார். இவர் இப்படத்தின் இணை தயாரிப்பாளராகவும் உள்ளார். அனுமனாக சன்னி தியோலும், லட்சுமணனாக ரவி துபேயும் நடிக்கின்றனர். மான்ஸ்டர் மைண்ட் கிரியேஷன்ஸ் மற்றும் ஆஸ்கார் விருது பெற்ற விஎப்எக்ஸ் நிறுவனமான டிஎன்இஜி ஆகியவற்றுடன் இணைந்து, பிரைம் போகஸ் ஸ்டுடியோஸ் நமித் மல்ஹோத்ரா இப்படத்தைத் தயாரிக்கிறார். இந்த ராமாயணா படம் ஐமேக்ஸ் தொழில் நுட்பத்திற்காகப் படமாக்கப்பட்டு வருகிறது, மேலும் இது டால்பி சினிமா வடிவங்களிலும் வெளியாகிறது. இப்படத்தின் முதல் பாகம் 2026 தீபாவளிப் பண்டிகைக்கு தியேட்டர்களில் வெளியாகிறது.

• செய்திகள்
• வீடியோ
• வந்த படங்கள்

• 
  முன்பதிவு : கடும் போட்டியில் கார்த்தி, சூரி படங்கள்
• 
  பிளாஷ்பேக்: சமூகப் பட பாணியில் வந்து, சாதனை புரிந்த ஒரு பக்தித் திரைப்படம்
• 
  எதிர்மறை விமர்சனங்களால் துல்கருடன் இணைந்து நடிப்பதை தவிர்த்தேன் ; ...
• 
  மாளவிகா மோகனனுக்கு பதில் வாமிகா கவி
• 
  புஷ்பா இயக்குனர் படத்துக்காக உடல் எடையைக் குறைக்கும் ராம் சரண்

• 
  நடிகையிடம் 3 கோடி நஷ்ட ஈடு கேட்டு விமான நிறுவனம் வழக்கு
• 
  மராத்தியில் பேச சொன்னபோது ஜெயில் கதை சொல்லி சமாளித்த சஞ்சய் தத்.
• 
  5 மாதங்கள் வெறும் பழங்கள் மட்டுமே சாப்பிட்ட 'ஹனுமான் அன்ஸ்' பட இயக்குனர்
• 
  டொராண்டோ சர்வதேச திரைப்பட விழாவில் திரையிடப்படவுள்ள நானா படேகரின், 'தி ...
• 
  அஜய் தேவ்கனின் திரிஷ்யம் 'தி கன்க்ளூஷன்' படத்தின் டிரைலர் விழா ...