காலை 6 மணி காட்சி : முதல்வர் விஜய்க்கு தனுஷ் நன்றி | 2026ல் மட்டும் சூர்யாவின் அதிகாரப்பூர்வ வசூல் 840 கோடி | பாலா படத்திற்கு இசையமைக்கும் லிடியன் | ஏதென்ஸில் குடும்பத்தினர் உடன் ரஜினி சென்ற சுற்றுலா போட்டோ வைரல் | விமல் நடிப்பில் சிம்புதேவன் இயக்கும் 'நவோரியா' | நவம்பர் 20ல் மும்முனைப் போட்டி - முன்பதிவில் முந்துவது யார் ? | தென்னிந்திய வசூலில் சாதனை படைத்த 'ராமாயணா' | மதிவதனி, காதம்பரி, பவானி, கோகிலா : நயன்தாரா நடிப்பில் கலக்கிய படங்கள் | ''மீண்டும் பிறந்தாலும்… நீயே வேண்டும்…'' - நயன்தாராவுக்கு விக்னேஷ் சிவனின் பிறந்தநாள் வாழ்த்து | குடும்பத்தின் மூத்தவர்களுடன் சமந்தா தம்பதிக்கு நடந்த வழிபாட்டு நிகழ்ச்சி |

சல்மான்கான் நடிப்பில் ஹிந்தியில் அடுத்ததாக வெளியாக இருக்கும் படம் 'மாத்ருபூமி'. முதலில் இந்தப் படத்திற்கு 'பேட்டில் ஆப் கல்வான்' என தலைப்பு வைக்கப்பட்டு, பின்னர் 'மாத்ருபூமி' என மாற்றப்பட்டது. கடந்த 2020-ல் கல்வான் பள்ளத்தாக்கில் இந்தியா மற்றும் சீன வீரர்களுக்கு இடையே நடைபெற்ற மோதலை மையமாகக் கொண்டு இந்தப் படம் உருவாகியுள்ளது. இந்தப் படத்தை அபூர்வ லகியா இயக்கியுள்ளார். இந்தப் படம் சென்சார் சிக்கலில் சிக்கி இருப்பதாகவும், அதனால் இந்த வருடம் வெளியாக வாய்ப்பில்லை, 2027-ல் தான் வெளியாகும் என்றும் கடந்த சில நாட்களாக சில செய்திகள் வெளியாகின.
ஆனால் இன்னும் படம் சென்சாருக்கே அனுப்பப்படவில்லை என்றும், இவை அனைத்தும் வதந்தியே என்றும் படக்குழுவினர் மறுத்திருந்தனர். அதுமட்டுமல்லாமல், தற்போது இந்த 2026-லேயே இந்தப் படம் ரிலீஸ் ஆகிறது என்பதை உறுதி செய்யும் விதமாக சமீபத்தில் புதிய போஸ்டர் ஒன்றையும் வெளியிட்டுள்ளனர். ஆனால், அதில் இயக்குநர் அபூர்வ லகியாவின் பெயர் விடுபட்டிருப்பது ஆச்சரியத்தை ஏற்படுத்தியுள்ளது. அதுமட்டுமல்ல, அந்த இடத்தில் இயக்குநரின் பெயருக்குப் பதிலாக 'எ பிலிம் பை சல்மான்கான் பிலிம்ஸ்'' என்று மட்டுமே குறிப்பிடப்பட்டுள்ளது. இயக்குநருக்கும் சல்மான்கானுக்கும் இடையே ஏதாவது பிரச்னையா என்பது குறித்து தற்போது பாலிவுட்டில் சலசலப்பு ஏற்பட்டுள்ளது.