Dinamalar

நட்சத்திரம் நகர்கிறது படத்தில் ஒரு பாலின காதல், திருநங்கையின் காதல்: பா.ரஞ்சித் தகவல்

சார்பட்டா பரம்பரரை படத்திற்கு பிறகு பா.ரஞ்சித் இயக்கி உள்ள படம் நட்சத்திரம் நகர்கிறது. யாழி பிலிம்ஸ் விக்னேஷ் சுந்தரேசன் மற்றும் மனோஜ் லியோனல்ஜாசன் இந்தபடத்தை தயாரித்திருக்கிறார்கள். வருகிற 31ம் தேதி வெளியாகவிருக்கும் இந்த படத்தில் காளிதாஸ் ஜெயராம், துஷாரா விஜயன், கலையரசன், ஹரி, ஷபீர், சார்லஸ் வினோத், வின்சு, சுபத்ரா, தாமு உட்பட பலர் நடித்திருக்கிறார்கள். குண்டு படத்திற்கு ஒளிப்பதிவு செய்த கிஷோர் ஒளிப்பதிவு செய்திருக்கிறார். தென்மா இசையமைத்திருக்கிறார்.

படம் பற்றி பா.ரஞ்சித் கூறியதாவது: நட்சத்திரம் நகர்கிறது காதல் படம் அல்ல காதலைப்பற்றிய படம். ஆணும் பெண்ணும் சந்திக்கும்பொழுது காதலாகத்தான் ஆரம்பமாகுது. அது குடும்பத்துக்கு தெரியும்பொழுதுதான் சமூகத்தின் பிரச்னையாக மாறுகிறது. இங்கே காதலுக்கு ஒரு மதிப்பீடு இருக்கு. காதல் வர்க்கத்தையும் ஜாதியையும் பின்னி பிணைந்ததாக இருக்கிறது. காதல் பெர்சனலாக இருக்கும்பொழுது எந்த பிரச்னையும் இல்லை. இப்போ காதலை ஒரு பொலிட்டிக்கல் டெர்ம் ஆக மாற்றி வச்சிருக்காங்க. அதை பற்றி விவாதிக்கிற படம்தான் இது.

இதில் ஆண் பெண் காதல்கள் மட்டும் இல்லாது ஒரு பாலின காதலைப்பற்றியும், திருநங்கையின் காதலைப்பற்றியும் பேசுகிறோம். பாண்டிச்சேரியில் நாடக தியேட்டரில் நடிக்கக் கூடுகிற நடிகர்கள் அவர்களின் எமோஷ்னல், காதலை விவரிக்கிறது இந்தப்படம். ஒரு காதலை குடும்பமும் சமூகமும் எப்படிப்பார்க்கிறது என இந்த படம் முழுக்க பேசுகிறோம். நவீன சினிமாவின் தாக்கத்தில் எழுதியிருக்கிறேன். நல்லா வந்திருக்கு. என்றார்.

• 
  சினிமா எப்போதும் என் வாழ்க்கையில் முக்கியமான ஓர் அங்கம் : ஈஷா தியோல்
• 
  ராமாயணா ஒரே வாரத்தில் ரூ.900 கோடி வசூல்
• 
  மாத்ருபூமி டிரைலர் வெளியீடு : டிச., 4ல் படம் ரிலீஸ்
• 
  ஆஸ்கர் ரேஸில் களமிறங்கிய ‛ராமாயணா'
• 
  சீதாதேவி சண்டை போட்டதாக வால்மீகி ராமாயணத்தில் கூட இல்லை : விமர்சித்த ...

• 
  நானி படத்தில் இணைந்த பிரித்விராஜ், பிரீத்தி முகுந்தன்
• 
  ஓடிடி.,க்கு வந்தாச்சு 'ஜெயிலர்-2': மிஸ் பண்ணிடாதீங்க..!
• 
  மக்கள் காவலன் படத்தில் பாடிய அதிதி ஷங்கர்
• 
  2026ல் ஹாட்ரிக் 200 கோடி : சூர்யாவின் அடுத்த படம் எப்போது ரிலீஸ்?
• 
  பிளாஷ்பேக்: பிரபல இயக்குநர்களின் முதல் திரைப்படங்களை அலங்கரித்த முத்தான ...