Dinamalar

எம்எல்ஏ விடுதியில் குடியேறிய பாவா லட்சுமணன்: உதவிக்கரம் நீட்டிய அமைச்சர் ராஜ்மோகன்

நடிகர் வடிவேலுவுடன் பல நகைச்சுவை காட்சிகளில் நடித்து பிரபலமானவர் நடிகர் பாவா லட்சுமணன். இவர் சமீப காலமாக நோய்வாய்ப்பட்டு கடுமையான உடல் நல பிரச்னையால் தவித்து வந்தார். இதனால் சினிமாவில் நடிப்பதிலிருந்தும் விலகினார். அவரது உடல்நிலை மோசமாகி உள்ளதாக தயாரிப்பாளர் பாலாஜி பிரபு தெரிவித்திருந்தார். அதில், நீரழிவு நோயின் தீவிர தாக்கத்தினால் அவரது கால் விரல்கள் அகற்றப்பட்டுள்ளதாகவும், வீட்டு வாடகை கட்டவும், மருத்துவ செலவுகளுக்கும் கூட பணம் இல்லாமல் தவித்து வருவதாகவும் கூறியிருந்தார்.

இதனையடுத்து நடிகர் கூல் சுரேஷ் அவருக்கு வீட்டை வாடகைக்கு எடுத்து கொடுத்து வீட்டு உபயோக பொருட்களும் வாங்கி கொடுத்தார். நடிகர் ஜீவா, டிவி நடிகர் பாலாவும் உதவி செய்தனர்; நடிகர் லெஜெண்ட் சரவணன் ரூ.2 லட்சம் வழங்கி உதவி செய்தார்.

இந்த நிலையில் பாவா லட்சுமணன், தற்போது எம்எல்ஏ.,க்கள் தங்கும் விடுதியில் குடியேறியதாக செய்தி வெளியானது. இது பற்றி பாவா லட்சுமணனிடம் கேட்டதற்கு, ''கடந்த 2 நாட்களாக எம்எல்ஏ., விடுதியில் தங்கியுள்ளேன். அமைச்சர் ராஜ்மோகன் தான் என்னை தங்க வைத்தார். விரைவில் சிகிச்சை அளித்து குணப்படுத்துவதாகவும் கூறியுள்ளார்'' என்றார்.

• 
  சல்மான் கானுக்கு பதிலாக இந்த வார பிக்பாஸ் நிகழ்ச்சியில் புதிய பிரபலம்
• 
  துப்பாக்கிச்சூடு: டைகர் ஷெராப்-க்கு முன்பு சல்மான்கான்தான் முதல் ...
• 
  ராமாயணா : வரி விலக்கு அளித்த மேற்கு வங்க முதல்வர்
• 
  தங்கள் குழந்தைக்கு தேவி என்று பெயர் வைத்த ரன்வீர், தீபிகா
• 
  'கந்தசாமி' விக்ரம் பாணியில் நடிக்கும் நவாசுதீன் சித்திக்

• 
  ‛மூக்குத்தி அம்மன் 2' டிரைலர் வெளியீடு
• 
  அதை 8வது டேக்குல வந்து சொல்றீங்க பாருங்க.. பக்ஸை கலாய்த்த ரஜினிகாந்த்
• 
  ஜெயிலர் 2 பார்க்க முழு தியேட்டரையும் புக் செய்த கிரிக்கெட் வீரர் சஞ்சு ...
• 
  'இந்தியன் 3' : ஷங்கரின் கோரிக்கையை நிராகரித்த லைகா நிறுவனம்!
• 
  சூர்யாவை இயக்கும் ராம் சரண் பட இயக்குனர்!