Dinamalar

காந்தாரா : வெளிச்சத்துக்கு வந்த தயாரிப்பாளர், ரிஷப் ஷெட்டி மோதல்

கன்னடத் திரையுலகத்தில் மட்டுமல்லாது இதர மொழிகளிலும் ரசித்துப் பார்க்கப்பட்ட படங்கள் 'காந்தாரா' மற்றும் 'காந்தாரா சாப்டர் 1'. ரிஷப் ஷெட்டி இயக்கம் நடிப்பில், ஹொம்பாலே பிலிம்ஸ் தயாரிப்பில் வெளிவந்த படங்கள் அவை.

காந்தாரா சாப்டர் 1, படம் வெளிவந்து இன்றுடன் ஒரு வருடம் நிறைவடைந்ததை அடுத்து தயாரிப்பு நிறுவனம் படத்தின் நாயகன் ரிஷப் ஷெட்டி புகைப்படம் எதையும் பகிராமல் ஒரு புலியின் படத்துடன் மட்டும் ஒரு வருட போஸ்டரை வெளியிட்டது. அதில் தயாரிப்பு நிறுவனத்தின் பெயர் மட்டுமே இருந்தது. படத்தின் இயக்குனர் பெயர் இடம் பெறவில்லை.

அதற்கடுத்து, படத்தின் இயக்குனரும், நாயகனனுமான, ரிஷப் ஷெட்டி, ஒரு நீண்ட பதிவை எக்ஸ் தளத்தில் பதிவிட்டிருந்தார். ஆனால், தயாரிப்பு நிறுவனத்தை அவர் எந்த இடத்திலும் குறிப்பிடவில்லை, அவர்களது எக்ஸ் தள ஐ.டி.,யையும் 'டேக்'செய்யவில்லை. அவர் பகிர்ந்த வீடியோ மற்றும் போஸ்டரிலும் தயாரிப்பு நிறுவனம் பெயர் இடம் பெறவில்லை.

ஆறு மாதங்களுக்கு முன்பே ரிஷப் ஷெட்டி, ஹொம்பாலே பிலிம்ஸ் நிறுவனத்தை இன்ஸ்டாகிராம் தளத்தில் பின்தொடர்வதை 'அன்பாலோ' செய்துவிட்டார் என்ற தகவல் வெளியானது. அவரது சொந்த நிறுவனம், மனைவி ஆகியோர் மட்டுமே அவரது பாலோயர் லிஸ்ட்டில் உள்ளார்கள்.

ரிஷப் ஷெட்டி, ஹொம்பாலே பிலிம்ஸ் ஆகியோரது இன்றைய பதிவு, அவர்களுக்கு இடையிலான மோதலை உறுதிப்படுத்துவதாக அமைந்துள்ளது. இது கன்னட சினிமா ரசிகர்களிடம் அதிர்ச்சியை ஏற்படுத்தியுள்ளது.

• 
  கிராமி விருது போட்டியில் 'துரந்தர் 2'
• 
  சொந்தமாக யு டியூப் சேனல் தொடங்கிய சல்மான் கான்
• 
  நீதிமன்றத்தில் அமிதாப் பச்சன் நேரில் ஆஜராக வேண்டும் ; டில்லி உயர் ...
• 
  மேஜைக்கு அடியில் அமர்ந்து அழுத இயக்குநர் ; மாதுரி தீட்சித் பகிர்ந்த ...
• 
  'எஸ்.ஐ.ஆர்' ஆர்ப்பாட்டத்தில் காதலருடன் கைதான 'ஜெயம்கொண்டான்' நடிகை

• 
  முதல்வர் விஜய்யை சந்தித்த ராஷ்மிகா - விஜய் தேவரகொண்டா ஜோடி
• 
  கல்கி 2 படப்பிடிப்பில் இணையும் சாய் பல்லவி?
• 
  வைலரான நடனம் : லிங்குசாமி விளக்கம்
• 
  சிவகார்த்திகேயன் 27 படத்திற்கு சாய் அபயங்கர் இசை
• 
  பி.எஸ்.மித்ரனுடன் இணையும் யஷ்