சூர்யாவிடமிருந்து 'வாட்ச்' பரிசு பெற்ற 'சீன்' பட வில்லன் நஸ்லென் | 'தனுஷ், 3, ஐஸ்வர்யா ரஜினிகாந்த்' பெயர்களை மறந்த அனிருத் !! | 'சத்தியவான் சாவித்திரி'க்கு என்னாச்சு? புரமோஷன் இல்லாமல் 'சைலண்ட்' | இப்போதெல்லாம் விழாக்களுக்கு அழைப்பு இல்லை: ஆர்.வி.உதயகுமார் வேதனை | ஹனுமன் பட ஹீரோ தேஜா சஜ்ஜாவிற்கு டும் டும் | பிளாஷ்பேக் : ஒரே ஒரு படம் இயக்கிய இரட்டையர்கள் | பிளாஷ்பேக் : யானைக்கும் அடிசறுக்கும் | விஜய் ஆண்டனி ஏன் செருப்பு போடுவதில்லை? அந்த எளிய வாட்ச் கட்டுவது ஏன்? | துல்கர் படத்தில் நடிப்பதற்காக அமெரிக்க ஐடி வேலையை உதறிவிட்டு வந்த சாத்விகா வீரவல்லி | "தனித்தனியாக வசிப்பதால் தான் எங்கள் திருமணம் இன்னும் நீடிக்கிறது" ; ரம்யா கிருஷ்ணன் |

கன்னட ஸ்டார் சிவராஜ் குமார் தற்போது நடித்து வரும் படம் 'ஒரிஜினல் மான்ஸ்டர்'. இப்படம் கன்னடம் மற்றும் ஹிந்தி மொழிகளில் உருவாகிறது. மற்ற மொழிகளில் டப் செய்யப்படுகிறது. இந்த படம் சிவராஜ்குமார் நடிக்கும் முதல் ஹிந்திப் படமாகும். இதில் சிவராஜ்குமார் ஹிந்தியில் பேசி நடித்துள்ளார்.
இந்த நிலையில் படத்தின் டைட்டில் மற்றும் மோஷன் போஸ்டர் வெளியீட்டு விழா மும்பையில் நடைபெற்றது. இதில் கலந்து கொண்ட சிவராஜ்குமாரிடம் ஹிந்தியில் பேசி நடிப்பது தொடர்பாக கேள்வி கேட்கப்பட்டது.
அதற்கு பதிலளித்த அவர், “ஹிந்தி எனது இரண்டாவது மொழி. என்னால் ஹிந்தி பேச முடியும். அது ஒரு எளிதான மொழி, நாட்டின் தேசிய மொழி. அது எங்களுக்குத் தெரியாமல் எப்படி இருக்கும்? தெரியும்” என்றார்.
இது சர்ச்சையை ஏற்படுத்தியது. 'இந்தியாவில் எல்லா மொழிக்கும் சம உரிமை உண்டு. இந்தியாவில் அதிகம் பேசப்படும் மொழி ஹிந்தி, ஆனால் தேசிய மொழியல்ல' என்று கன்னட மொழி ஆர்வலர்கள் சிவராஜ் குமாருக்கு கடும் கண்டனம் தெரிவித்து வந்தனர்.
இந்த நிலையில் தனது பேச்சிற்காக மன்னிப்பு கேட்டுள்ளார். பெங்களூருவில் நடந்த 'ஒரிஜினல் மான்ஸ்டர்' படத்தின் புரொமோஷன் நிகழ்வில் செய்தியாளர்களிடம் பேசிய அவர், “நான் ஹிந்தியை 'தேசிய மொழி' என்று குறிப்பிட்டிருந்தேன். ஆனால் அது பல மொழிகளில் ஒன்றுதான். எங்கள் மொழியான கன்னடம் எங்களுக்கு எப்போதும் முக்கியமானது. நான் தவறாகக் குறிப்பிட்டதால் குழப்பம் ஏற்பட்டுவிட்டது. அதற்காக நான் மன்னிப்பு கேட்டுக் கொள்கிறேன். அவர்களுடைய மொழி ஹிந்தி, எங்களுடையது கன்னடம். அவர்களுக்கு அவர்களுடைய மொழி எந்த அளவு முக்கியமோ அதேபோல, எங்களுக்கு எங்கள் மொழி முக்கியம்” என்றார்.